------ ------ ------ ----- -----
မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့နယ်၊ ရေနံမတိုက်နယ်၊ နယ်မြေရဲစခန်းအပိုင်၊ နွားလဲကျေးရွာနေ (---) နှင့် ကုန်းကြီးကျေးရွာ (ရေနံစိမ်းဝယ်ယူရေး) ဆီခြံနေ (---) သည် စက်တင်ဘာ ၁၃ နံနက်နှင့် နေ့လည်ပိုင်းတွင် ကြိုးဆွဲချသေဆုံးခဲ့ကြကြောင်း သက်ဆိုင်ရာရဲစခန်းများမှ သိသည်။
ဖြစ်စဉ်မှာ မင်းလှမြို့မရဲစခန်း အနောက်တောင်ဘက် ၅ မိုင်ခန့်အကွာရှိ ကုန်းကြီးကျေးရွာ ဆီခြံတွင် လူတဦးကြိုးဆွဲချသေဆုံးနေသည်ဟု သတင်းရရှိသဖြင့် တာဝန်မှူး ဒုတိယရဲအုပ် မျိုးသန့်ဇင်က သွားရောက်စစ်ဆေးရာ ဆီခြံတဲအတွင်း (---) အား လက်သုံးလုံးခန့်နိုင်လွန်ကြိုးအားအသုံးပြု၍ အမြင့် ၆ ပေခွဲခန့်မှကြိုးဆွဲချသေဆုံးနေပြီး မျက်စိပြူး၊ လျှထွက်၊ သုတ်ရည်ထွက်ရှိအနေထားဖြင့် သေဆုံးနေသည်ကို တွေ့ရှိရကြောင်း၊ အနီးရှိ ရောင်နီထွန်းစာတမ်းပါရေသန့်ဘူးထဲတွင် အရက်တစိပ်ခန့်တွေ့ရှိရကြောင်း၊ အမှုကိုမြို့မစခန်းမှူး ဒုရဲမှူး မျိုးမြင့်ဦးကစစ်ဆေးလျှက်ရှိကြောင်း ရဲမှတ်တမ်းများအရသိရသည်။
ထို့အတူ မင်းလှမြို့နယ် ရေနံမတိုက်နယ်၊ နယ်မြေရဲစခန်းတွင် တာဝန်မှူးတာဝန်ထမ်းဆောင်နေသော ဒုတိယရဲအုပ်တင်အောင်စန်းသည် နွားလဲကျေးရွာတွင် ကြိုးဆွဲချသေကြောင်းသတင်းရရှိ၍ သွားရောက်စစ်ဆေးစဉ် (---) ၃၅ နှစ်သည် ၎င်း၏နေအိမ်ခေါင်တန်းကြွက်လျှောက်ဝါးလုံး၌ အရှည် ၈ ပေခန့်ကြိုးကိုခေါက်ချည်လျှက် သေဆုံးနေသည်ကို တွေ့ရှိရပြီး တာဝန်မှူး ဒုရဲအုပ်တင်အောင်စန်းက တရားလိုပြုလုပ်ကာ စခန်းမှူး ရဲအုပ်မျိုးမင်းထွန်းက အမှုကိုစစ်ဆေးလျှက်ရှိကြောင်း သိရသည်။
မည်သည့်အတွက်ကြောင့် ကြိုးဆွဲချသေကြသည်ကို ဂဃနဏ မသိရှိရကြသေးကြောင်း၊ လက်ရှိတွင် စစ်ဆေးဆဲသာဖြစ်ကြောင်း သိရသည်။
ထန်းထန်း(မဲဇလီ)
No comments:
Post a Comment