# အပေါင်းအသင်းဆန့်တဲ့ သူဌေး
   ( သို့မဟုတ် )  ဦးဇော်ဇော် -

ဦးဇော်ဇော်ဆိုလိုက်တာနဲ့ ပြေးမြင်ကြမှာက ဧရာဝတီဘဏ်နဲ့ မြန်မာ့ဘောလုံးလောကပါ။

သူဟာ မြန်မာခရိုနီတွေ ကြားထဲမှာ အသက်အငယ်ဆုံး ဖြစ်သလို အများချီးကျူးဝေဖန်နေကြတဲ့ သူ ဖြစ်သလို နိင်ငံတကာကပါ လေးစားခံနေရတဲ့ သူတစ်ယောက်လို့ ပြောရင်လည်း မမှားပါဖူး။ ခရိုနီတွေထဲမှာလည်း အပေါင်းအသင်းအဆန့်ဆုံးလိုဆို့ရမှာပါ၊ သူဟာ အစိုးရအာဏာရှင်များနဲ့သာမက ထောင်ကျနိင်ငံရေးသမားတွေ လူမှုရေး စီးပွားရေးနယ်ပယ် အသီးသီးက ထိပ်သီးအဆင့်ဖြစ်စေ အောက်ခြေဖြစ်စေ သိကျွှမ်းဝင်သူ တစ်ဦး ဖြစ်ပါတယ်။

လက်ရှိအချိန်မှာ မြန်မာပြည်ရဲ့ အချမ်းသာဆုံးနေရာကို ရောက်ရှိလာခဲ့ပေမယ့် ဦးဇော်ဇော်ရဲ့ ငယ်စဉ်ဘ၀ဟာလည်း ဖယောင်းလမ်းလို ပျော့ပြောင်းနေတာမဟုက်ခဲ့ပါ။ အခတ်အခဲတွေ ရုန်းကန်းမူတွေ ကျော်ဖြတ်လာပြီးမှ သူဌေးဆိုတဲ့ ဂုဏ်ဘွဲ့ကို ရရှိခဲ့တာ ဖြစ်သလို ယခင်အာဏာရှင်တွေနဲ့ ပေါင်းစားသူဆိုပြီးလည်း ၀ိုင်းသမုတ်ခံနေရပေမယ့် သူဟာ ၈၈အရေးတော်ပုံကာလက တက်ကြွသောကျောင်းသားတစ်ဦးဆိုတာ လူသိနည်းပါတယ်။

ဘ၀ဆိုတာ အမြဲ လက်ရှိအခြေအနေတိုင်း ဖြစ်မနေဖူးဆိုတာ ဦးဇော်ဇော်ဘ၀က သက်သေပြနေပါတယ်။ သူငယ်စဉ်ဘ၀ အတော်များများကို ရှာမရ ဖြစ်တာမို့ သိရသလောက်ကို ပြန်ဝေမျှ ပါရစေ။

ဦးဇော်ဇော်ဟာ ဧရာဝတီမြစ်ဝကျွန်းပေါ် - ရေကြည် နယ် သား ပါ ။ အဖေက အစိုးရ ဝန်ထမ်း ၊ အမေက အိမ်ဆိုင်လေးဖွင့်ထားပီး တစ်ဘက်တစ်လမ်း အိမ်ဝင်ငွေရှာခဲ့ရတဲ့ မွေးချင်း ၆ ယောက် အနက် သူက အငယ်ဆုံး သားတစ်ဦး ဖြစ် ပါတယ်။

၁၉၈၈မှာ အရေးအခင်းဖြစ်တော့ သူက 'ရန်ကုန်တက္ကသိုလ်နောက်ဆုံးနှစ်မှာ ပါ ။စစ်တပ်အာဏာသိမ်းပီးနောက် အရေးအခင်းမှာ ပါဝင်လှုပ်ရှားသူတွေကို စစ်အစိုးရလိုက်လံဖမ်းတော့ သူလည်း ၄ လ လောက် ပြည်တွင်းမှာ ပုန်းရှောင်နေရသေးတဲ့ အချိန်မှာ သူအသက်ဟာ (၂၀)၀န်းကျင်သာ ရှိပါသေးတယ်။

 အဲဒီနောက် ဆွေမျိုးဝမ်းကွဲ အကူအညီနဲ့ စင်ကာပူ ကို ( ဒေါ်လာ ၈၀ ပဲ အိတ်ထဲ ပါလာ ) ထွက်လာပီး ၊ သင်္ဘောသားလုပ်ခဲ့တာ ၆ နှစ်ကြာ ပြည်ပထွက် အလုပ်လုပ်ခြင်း စွန့်စားရမှုရဲ့ အစ ဦးပိုင်း အခြေအနေပါပဲ ။

 ပြည်ပကို အကြောက်တရားရှိနေတဲ့ စစ်အစိုးရရဲ့ အထီးကျန်ကာလတွေ မှာ ဦးဇော်ဇော်တစ်ယောက် တစ်လမှ ဒေါ် လာ ၂၀၀ ရဖို့အရေး သင်္ဘောကုန်းပတ်ပေါ်မှာ တစ်နေ့နာရီ (၂၀)ကြာ သင်္ဘောသားလုပ်နေရင်းနဲ့ ၊ ဩစတေးလျ - ဟောင်ကောင် - တိုင်ဝမ် - အီရန် - ဂျပန် -အာဖရိက စသည် နေရာတွေကို သူလည်း အစုံ ရောက်ဖူးသွားပြီး ၊ အင်္ဂလိပ်စာကို လေ့လာခွင့်ရခဲ့သလို ၊ တစ်ဖက်မှာ သူများနိုင်ငံတွေ ဖွံးဖြိုးတိုးတက်တာ တွေမြင်ရတော့ သူ့ဘဝသူ ၊သူရဲ့ဆင်းရဲမှု ၊ အနှိမ်ခံရမှုတွေ အပေါ် ရှက်စိတ်တွေနဲ့သာ ရှင်သန်နေထိုင်လာခဲ့ပါတယ် ။

တစ်လကို ဒေါ်လာ (၂၀၀)နဲ့ ခြောက်နှစ်ကျော် အလုပ်လုပ်ခဲ့ပေမယ့် အဆင်မပြေတဲ့အတွက် သူဘ၀ကို အပြောင်းအလဲ ဖြစ်သွားစေမယ့် အခြေတစ်ခု သူလုပ်ခဲ့ပါတယ်။ ဒါကတော့ သူလုပ်နေတဲ့သဘောင်္ ဂျပန်မှာဆိုက်ကပ်စဉ် နေကျန်ခဲ့တာပဲ၊ တချို့က သူထွက်ပြေးခဲ့တာလို့ ဆိုကြပါတယ်။

ဒီလိုနဲ့  ၁၉၉၁ (တချို့က ၁၉၉၂လို့ ဆို) မှာ လက်ကျန်ငွေ ၆၅၀ နဲ့ ဂျပန်ကိုရောက်ရပြန်ပါတယ်။ တိုကျို မှာ ' ထမင်းချက် - ပန်းကန်ဆေး - စားပွဲထိုး ' အလုပ် ၃ မျိုးလုပ်ပြီး ၊ တစ်ဖက်မှာ ဂျပန်စာကို သင်ယူလေ့လာခွင့် ရပါတယ် ။ ဒီလိုနဲ့ yellow pages နဲ့ cold-calling က တစ်ဆင့် ကားဟောင်း ရောင်းဝယ်တဲ့ ပျံကျအလုပ်ကလေး စလုပ်ဖြစ်ပါတယ် ။ အဲဒီမှာ Max Trading Co လို့ အမည်စပေး ဖြစ်သွားတာပါ ။ ကားဟောင်းရောင်းသူဌေး နဲ့ မိတ်ဆွေ ဖြစ်လာပြီး ၊ အဲဒီက Nissan ဆီဒင် ၂ စီး ကို ဝယ်ဖြစ် ၊ အခြားမိတ်ဆွေကို ပြန်ရောင်းဖြစ် ၊ ဒီကစပြီး Max Myanmar Group.ဖြစ်တည်လာတာ မြန်မာ နဲ့ အခြားနိုင်ငံတွေဆီ ကားဟောင်းတွေ တင်ပို့ ရောင်းချဖြစ်ပါတယ် ။

ဦးဇော်ဇော်ဟာ သူရရှိခဲ့တဲ့ အဆက်အသွယ်များနဲ့ ၁၉၉၅ ခုနှစ်မှာ ရန်ကုန်ကို ပြန်ရောက်ခဲ့ပါတယ်။ အဲအချိန်မှာ ဦးဇော်ဇော်အသက်ဟာ (၂၉)နှစ် ရှိပါပြီ။ ဘ၀မလှပခဲ့တဲ့ ၈၈ ကျောင်းသားစာရင်း ပေါက်နေတဲ့ ကိုတင်ဆန်းအမည်ကို ပြည်ဖုံးကားချပြီး ယနေ့နာမည်ကြီး နေတဲ့ ဇော်ဇော်အမည်နဲ့ စစ်အစိုးရကို ကန်ထရိုက်ဝင်လုပ်ပါတယ်။ မြန်မာနိုင်ငံသားတစ်ယောက်ကို ကား ၁ စီးသွင်းခွင့်ရှိတဲ့ အဲဒီခေတ်လုပ်ထုံးလုပ်နည်း အရ $500 လောက် ပေါက်တဲ့ ကားပါမစ်တွေကို သူက ချုပ်ကိုင်ထားရပါတယ် ။

သူ့ရဲ့ဇနီးလောင်း ဖြစ်မည့်သူဟာ သူမကိုယ်တိုင်လည်း ဂျပန်မှာ အလုပ်လုပ်နေချိန် ၊ သူထံကားလာဝယ်ရင်း နဲ့ ဖူးစာဆုံခဲ့တာလို့ သိရပြီး ၁၉၉၅ခုနှစ်မှာပဲ လက်ထက်ဖြစ်ကြတယ် လို့ သိရပါတယ်။ လက်ရှိအချိန်မှာတော့ သမီးတစ်ဦး သားတစ်ဦး ရှိတဲ့ မိသားစုဖြစ်နေပါပြီ။

ဦးဇော်ဇော်ဟာ ဂျပန်က သူဌေးတစ်ယောက် မွေးစားတာ ခံရပြီး အရင်းအနှီးရရှိကာ မြန်မာပြည်ပြန်လာ စီးပွားပြန်လုပ်ရင်း ချမ်းသာလာတာလို့လည်း ပြောကြပါတယ်။ ဘာပဲ ဖြစ်ဖြစ် အဲအချိန်တုန်းက ဂျပန်ဟာ ခေတ်မှီအတိုးတက်ဆုံး နိင်ငံမို့ သူအတွက် အတွေ့အကြုံကောင်းတွေ အများကြီး ရရှိခဲ့မှာ အမှန်ပါ။

ရန်ကုန်သို့ ၁၉၉၅ တွင် ပြန်ရောက်လာခဲ့ကာ ၁၉၉၆ ကျောင်းသား အရေးအခင်းမှာ ပါဝင်ခြင်းမရှိတော့ဘဲ လုပ်ဖော်ကိုင် ဖက်နိုင်ငံရေးသမားများ အဝေဖန်ခံကာ စီးပွားရေးလောကသို့ ခြေစုံပစ်ဝင်ရောက်ခဲ့တယ်လို့ သိရပါတယ်။

မြန်မာပြည် အတူပြန်လာတော့လည်း ဒီကားဟောင်းသွင်းတဲ့ အလုပ်ကိုပဲ ဆက်လုပ်ပါတယ် ။ နောက်ပိုင်းမှာ အကြီးစားဆောက်လုပ်ရေး ယန္တရားပစ္စည်းတွေ၊ အစိုးရ ပရောဂျက်တွေ လုပ်ကိုင်ရင်းနဲ့ ယခင် အစိုးရအုပ်ချူပ်ရေးပိုင်းက လူတွေနဲ့ ပိုသိလာကာ ၂၀၀၅ ခုနှစ်မှာ ဆောက်လုပ်ရေးကုမ္ပဏီ ထူထောင်ပြီး နေပြည်တော် အမြန်လမ်းတွေ ဟိုတယ်တွေ ဘော်လုံးကွင်းတွေ တည်ဆောက်ပေးတဲ့ အထိ နေရာရလာခဲ့ပါတယ်။ ယခင်စစ်အစီုးရနဲ့ ပူးပေါင်းဆောင်ရွှက်ခဲ့တယ် ဆိုပြီး ၂၀၀၈ ခုနှစ်မှာ အမေရိကန်က စီးပွားရေးပိက်ဆို့မှုတွေ ပြုလုပ်တာ ခံခဲ့ရပါတယ်။ မြန်မာပြည်မှာ အချမ်းသာဆုံးဖြစ်လာတဲ့ အချိန်မှာ သူအသက်ဟာ (၄၂) သာ ရှိပါသေးတယ်။

စီးပွားရေးလောကကို ၀င်ရောက်ပြီး ၇နှစ်တာ ကာလအတွင်း မက်စ်မြန်မာ ကုမ္ပဏီအုပ်စုအပြင် Delta United ဘောလုံးအသင်း၊ ပုသိမ်၊ ဧရာဝတီတိုင်း၊ လုံးခင်းကျောက်စိမ်းတွင်း၊ ဖားကန့်၊ ကချင်ပြည်နယ်၊ Max Myanmar ဘိလပ်မြေစက်ရုံ၊ တောင်ဖီလာအနီး လယ်ဝေးမြို့နယ် နေပြည်တော်။  Max Myanmar ရာဘာစိုက်ခင်း ဘီးလင်းမြို့နယ် မွန်ပြည်နယ်။ ပင်းယထုတ်လုပ်ရေး ကုမ္ပဏီလီမိတက်၊ Hotel Max (ချောင်းသာ)၊ Royal Kumudar Hotel ၊ နေပြည်တော်ဟိုတယ်ဇုန်၊ ဟိုတယ် ဧရာဝတီ၊ နေပြည်တော် အမျိုးသား အထိမ်းအမှတ်ဥယျာဉ်၊ ဧရာဝတီဘဏ်လုပ်ငန်း ၊ ရေကြည်၊ ငသိုင်းချောင်းအနီး ကျေးရွာများ ငွေချေးလုပ်ငန်း၊ နေပြည်တော်ရှိ ဘောလုံးကွင်းများ တည်ဆောက်ရေး လုပ်ငန်း၊ ကျောက်မီးသွေးတူး လုပ်ငန်း ကလေးဝ။ ကားလမ်းပိုင်းက ရန်ကုန် - ပဲခူး ၊ ရန်ကုန်- ပြည် - မကွေး ၊ ရန်ကုန်- ဒဂုံသီလ၀ါ လမ်းပိုင်းသုံးခု-ပဲခူးလမ်းပိုင်း ငွေကောက်ခံလုပ်ငန်း ( UWSA လုပ်ငန်းခွဲ) ရန်ကုန်အဲယားဝေး အစုရှယ်ယာပိုင်ရှင် စတဲ့ လုပ်ငန်းတွေကို ဦးဇော်ဇော်ပိုင်ဆိုင်တယ်လို့ သိရပါတယ်။

ဦးဇော်ဇော်ဟာ ၈၈ကျောင်းသားနိင်ငံရေးသမား ဖြစ်ခဲ့တာမို့ နိင်ငံရေးသမားတွေနဲ့ပါ ခင်မင် ပါတ်သတ်မှု ရှိပါတယ်။

သူဟာ ဒေါ်အောင်ဆန်းစုကြည်ကိုလည်း ဘောလုံးပွဲ လာရောက်ကြည်ရူဖို့ ဖိက်ခေါ်ခဲ့သလို NLD ပါတီကို နောက်ကွယ်ကနေ ငွေကြေးပံ့ပိုးပေးခဲ့ဖူးတယ်လိ်ု့လည်း ဆိုကြပါတယ်။

" သူ သိရနိုင်သလောက် ခရိုနီထဲမှာတော့ ဇော်ဇော် ဟာ အတော်ဆုံး ပဲ " ဟု ဟံသာဝတီဦးဝင်းတင်က ဦးဇော်ဇော်ကို ချီးမွမ်းခဲ့ဖူးကြောင်းလည်း သိရသည်။

Max Myanmar ဟာ ၂၀၁၀ခုနှစ် မတ်လမှာ ပြည်တာဝါဆောက်လုပ်ရေးမှာ ကျပ်(၅)ဘီလီယံ တန်ဖိုးရှိတဲ့ ရှယ်ယာ (၆၀) ရာခိုင်နူန်းကို ရင်းနှီးမြုပ်နှံခဲ့သလို ဧရာဝတီဘဏ်ကိုလည်း ၂၀၁၀ သြဂုက်လမှာပဲ ဖွင့်လှစ်နိင်ခဲ့ပါတယ်။ ၂၀၁၆ခုနှစ်မှာ ဧရာဝတီဘဏ်ဟာ ဘဏ်ခွဲပေါင်း(၁၅၇)ဘဏ် ရှိပြီး တန်ဖိုးအားဖြင့် ကျပ်ငွေ(၂၉၁၂)ဘီလီယံ ရှိတယ်လို့ ဆိုပါတယ်။အခုတော့ ဘဏ်ခွဲပေါင်း (၂၁၇) ခု ရှိနေပါပြီ။

၂၀၁၁ခုနှစ်မှာ ရန်ကင်းကလေးဆေးရုံးကို ကျပ်ငွေ(၉)ဘီလီယံ အသုံးပြုပြီး ထူထောင်ခဲ့တလို  ဧပြီလထဲမှာပဲ ကျပ် (၁၅) ဘီလီယံ အသုံးပြုပြီး Max Myanmarရုံချူပ်အတွက်  ရန်ကုန်မြို့မှာ မြေနေရာ ၀ယ်ယူခဲ့တယ်လို့ ဆိုပါတယ်။

၂၀၁၂ခုနှစ်ထဲမှာ အမေရိကန်ဒေါ်လာ (၃၅) သန်းကို အသုံးပြုပြီး နေပြည်တော်မှာ မြေ(၁၅)ဧက ၀ယ်ယူကာ ဧရာဝတီဟိုတယ် ဆောက်ခဲ့သလို စစ်ကိုင်းတိုင်းမှာလည်း မြေဧက (၅၂၀၀) ရှိတဲ့ Ministry of Mines လုပ်ငန်းတစ်ခုတွက် သဘောတူညီမူ ရယူခဲ့ပါတယ်။

၂၀၁၂ ခုနှစ် ဇူလိုင်လမှာတော့ စင်္ကာပူ အခြေစိုက် Aussino Groupမှာ အမေရိကန်ဒေါ်လာ(၄၇.၃၈) သန်း တန်ဖိုးရှိတဲ့ ရှယ်ယာတွေကို MSI နာမည်နဲ့ ရင်းနှီးမြုပ်နှဲခဲ့ပြီး ပြည်တွင်းမှာလည်း စက်သုံးဆီဆိုင်လုပ်ငန်းပေါင်း (၂၁)ခု ရှိခဲ့ပါတယ်။

လက်ရှိ နာမည်ကြီးနေတဲ့ Novotel Yangon Max ဟာလည်း နိုင်ငံတကာအဆင့်မီ ကြယ်ငါးပွင့် ဟိုတယ်တစ်ခုဖြစ်ပြီး ဟိုတယ်တည်ဆောက်ရေး စီမံကိန်းအတွက် ပြည်ပချေးငွေကျပ် ဘီလီယံ ၃၀ အပါအ၀င် စုစုပေါင်းကျပ် ၈၆ ဘီလီယံကျော် ရင်းနှီးမြှုပ်နှံ တည်ဆောက်ခဲ့တယ်လို့ သိရပါတယ်။

Max Hotels Group အနေနဲ ပြီးခဲ့တဲ့ ဆယ်စုနှစ်တစ်ခု ကျော်ကြာ ကာလအတွင်း Max Resort (Chaung Tha), Hotel Max (Nay Pyi Taw) , Ayeyarwady Hotel (Nay Pyi Taw) တို့ကို ဖွင့်လှစ်နိုင်ခဲ့သည့်အပြင် Max Resort (Ngapali) နှင့် Max Resort (Inn Lay) တို့ကိုလည်း တည်ဆောက်နေဆဲ ဖြစ်ပါတယ်။တခြားဟာတွေ ရှိသေးပေမယ့် အသေးစိက် မရေးတော့ပါ။

Max Myanmar ဟာ ၂၀၁၁-၁၂ ဘဏ္ဍာရေးနှစ်မှာ အမေရိကန်ဒေါ်လာ(၄၈.၅၂)သန်း ၀င်ငွေ ရရှိခဲ့ပြီး ၂၀၁၂-၁၃ ဘဏ္ဍာရေးနှစ်မှာ USD(၆၅.၃၆)သန်း၊ ၂၀၁၃-၁၄ ဘဏ္ဍာရေးနှစ်မှာ (၁၅.၂၄)သန်း၊၂၀၁၄-၁၅ဘဏ္ဍာရေးနှစ်မှာ(၅.၄၅)သန်း၊၂၀၁၅-၁၆ ဘဏ္ဍာရေးနှစ်မှာ (၇.၇၇)သန်း အသားတင်အမြတ် ရရှိခဲ့တယ် လို့ ထုက်ပြန်ထားပါတယ်။

လုပ်ကိုင်နေတဲ့ လုပ်ငန်းတွေကတော့ စွမ်းအင်ကဏ္ဍမှာ (၅၅) ရာခိုင်နူန်း၊ဆောက်လုပ်ရေး ကဏ္ဍာမှာ (၂၂) ရာခိုင်နူန်း၊ တိုးဂိက်လုပ်ငန်းမှာ (၁၀) ရာခိုင်နူန်း၊ ဟိုတယ်လုပ်ငန်းမှာ (၁၀) ရာခိုင်နူုန်း၊ စိုက်ပျိုးရေး၊ မိုင်းနင်းနဲ့ အခြားလုပ်ငန်းတွေဘက်မှာ (၁) ရာခိုင်နူန်းစီ ပါဝင်ရင်းနှီးမြုပ်နှံထားတယ်လို့ ဆိုပါတယ်။

ဦးဇော်ဇော်ဟာ ၂၀၁၆ခုနှစ်မှာ အမေရိကန်ရဲ့ စီးပွားရေးဒါဏ်ခတ်မှုကနေ ကင်းလွက်ခွင့် ရခဲ့ပြီးနောက်ပိုင်း  ပြည်တွင်းမှာသာမက ဟောင်ကောင် ၊ ထိုင်း စင်္ကာပူတို့မှာလည်း လုပ်ငန်းမှတ်ပုံတင်ကာ ရင်းနှီးမြုပ်နှံမူတွေကို ပြည်ပမှာ လုပ်ချင်တယ်လို့ Bloomberg ကို ဖြေကြားထားဖူးပါတယ်။

သူရဲ့စီးပွားရေး အအောင်မြင်ဆုံးကာလတွေကတော့ ၂၀၁၁ ခုနှစ် နောက်ပိုင်းကာလတွေ ဖြစ်ပြီး လက်ရှိအခြေအနေအရ မြန်မာနိင်ငံရဲ့ အချမ်းသာဆုံးသူဌေးလို့ သက်မှတ်နေမှုတွေ ရှိပြီး အသက်အငယ်ဆုံး ခရိုနီလို့လည်း ပြောကြပါတယ်။

ဦးဇော်ဇော်ဟာ စီးပွားရေးလုပ်ငန်းမှာသာမက မြန်မာဘောလုံးလောကမှာလည်း ထင်ရှားသူတစ်ဦး ဖြစ်ပြီး လက်ရှိအချိန်ထိ ဘော်လုံးအဖွဲ့ချူပ်ရဲ့ ဥက္ကဌ ဖြစ်သလို MNL ကိုလည်း ဦးဆောင်ဖန်တီးခဲ့သူ တစ်ဦး ဖြစ်ပါတယ်။ MFF ဥက္ကဋ္ဌ ဦးဇော်ဇော်သည် အာဆီယံ ဘောလုံး အဖွဲ့ချုပ် (AFF) ဒုတိယ ဥက္ကဋ္ဌလည်း ဖြစ်ပြီး AFF Football Development Committee ဥက္ကဋ္ဌ အဖြစ်လည်း တာဝန်ယူထားပါတယ်။

ဦးဇော်ဇော် ဘောလုံးအဖွဲ့ချူပ်ကို ရောက်ရှိလာကလည်း ယခင်စစ်အစိုးရ လက်ထက် လုပ်ငန်းရှင်တွေကို အားကစားအဖွဲ့တွေမှာ ပါဝင်ခိုင်းတာနဲ့ ခရီုနီများ အုပ်စုလိုက် အဖွဲ့အသီး သီးစီ ရောက်ရှိကြတာဖြစ်ပါတယ်။

 ဒါပေမယ့် ဦးဇော်ဇော်ဟာ ကိုယ်ပိုင်ငွေကြေးအများအပြား စိုက်ထုက်ကာ ကြိုးပမ်းဆောင်ရွှက်မှုတွေကြောင့် ဘောလုံးပရိသတ်တွေကြားမှာလည်း နာမည်ကြီးသူတစ်ဦး ဖြစ်သလို အာရှဘောလုံးအဖွဲ့ချူပ်မှာလည်း အတွင်းရေးမှုးနေရာ ယူထားပါသေးတယ်။ ပြည်တွင်းမှာလည်း ဘောလုံးအကယ်ဒမီကျောင်းကို ထူထောင်ဖွင့်လှစ်ပေးနိင်ခဲ့ပြီး  ကမ္ဘာ့ဘောလုံအဖွဲ့ချူပ်ရဲ့ အသိအမှတ်ပြုမှုကို ရယူနိင်ခဲ့ပါတယ်။

မည်သို့ ဆိုဆို ဒီမိုကရေစီအပြောင်းအလဲ ဖြစ်ပြီး နောက်ပိုင်းမှာ အအောင်မြင်ဆုံး စီးပွားရေးသမား တစ်ဦး ဖြစ်သလို အလှုအတန်းအရက်ရောဆုံး၊ဘောလုံးလောက တဖန်ပြန်ကောင်းလာအောင် အထောက်ပံပြုသူ တစ်ဦးအဖြစ် သက်မှတ်ရမှာ ဖြစ်ပါတယ်။

ကိုးကား
Wikipedia , GIZ Report
ဧရာဝတီ မီဒီယာ