သရေခေတ္တရာမြို့ဟောင်းနေရာက ပြည်မြို့ရဲ့ အရှေ့တောင်ဘက် ၅ မိုင်ခန့်အကွာမှာ တည်ရှိတဲ့ ရှေးဟောင်းပျူမြို့တော်ဖြစ်ပါတယ်။ သရေခေတ္တရာ မြို့ဟောင်းမှာ မြို့ဟောင်းတို့ရဲ့ အင်္ဂါရပ်တွေဖြစ်တဲ့ မြို့ရိုး၊ ကျုံးနှင့် သာသနာအဆောက်အဦးများ၊ ဘုရား စေတီပုထိုးများကို ယခုတိုင်တွေ့ရှိနိုင်သေးသည်။
မြန်မာနိုင်ငံမှာ အေဒီ ၁ ရာစုမှ ၉ ရာစုခန့်အထိ ပျူတို့ရဲ့ အထင်ကရ မြို့တော် သုံးမြို့ရှိခဲ့ဖူးပါတယ်။ ထိုမြို့တော်သုံးခု မှာ မကွေးခရိုင်ရှိ ဗိဿနိုး မြို့၊ ရွှေဘိုနယ်ရှိ ဟန်လင်းကြီး မြို့ နှင့် ပြည်မြို့အနီးရှိ သရေခေတ္တရာ မြို့များ ဖြစ်ကြပါတယ်။ အဲ့ဒီရှေးဟောင်းပျူမြို့တော်သုံးမြို့ထဲမှာ သရေခေတ္တရာကတော့ စည်ပင်အ၀ပြောဆုံးနဲ့ သာသနာရေးဆိုင်ရာ အဆောက်အဦးတွေ အပေါများဆုံးဖြစ်ခဲ့မယ်လို့ အထောက်အထားများအရ ခန့်မှန်းသိရှိနိုင်ပါတယ်။
သရေခေတ္တရာမြို့ဟောင်း တူးဖေါ်မှုကိုတော့ အင်္ဂလိပ်လက်ထက်ကတည်းက စတင်ခဲ့ကြတာဖြစ်ပြီး ခေတ်အဆက်ဆက် တူးဖေါ်ရှာဖွေမှုတွေ ပြုလုပ်ခဲ့ကြပါတယ်။ ပြည်မြို့ကို အလည်အပတ်ဘုရားဖူးလာကြသူအများစုက သရေခေတ္တရာ မြို့ကိုလည်း သွားရောက်လေ့လာလည်ပတ်ကြပါတယ် .....
No comments:
Post a Comment