နေပြည်တော်၊ စက်တင်ဘာ ၁၂။
ကြယ်စင်ခ (နေပြည်တော်)
တပ်ကုန်းမြို့မဈေးအတွင်း ရောင်းချနေသည့် စားသောက်ကုန်းများတွင် ဓါတုဆေးဝါးသုံးစွဲမှု ရှိမရှိကို အစားအသောက်နှင့် ဆေးဝါးကွက်ကဲရေး ဦးစီးဌာန (FDA) မှ စက်တင်ဘာ ၁၂ ရက်နေ့က ရှောင်တခင်ဝင်ရောက်စစ်ဆေးခဲ့ကြောင်း သိရှိရသည်။
“မနက်ကတည်းက စစ်တာ ၈ မျိုးပြီးသွားပြီ အဲ ၈ မျိုးစလုံးမှာတော့ ဘာမှ မတွေ့ရပါဘူး။ အရင်အ ခေါက်တွေကထက် တဖြည်းဖြည်း ဓါတုဆေးဝါးသုံးစွဲမှု လျော့နည်းလာတာတော့ တွေ့ရတယ်။ ကျနော် တို့က ဟင်းသီးဟင်းရွက်ထဲမှာ ပိုးသတ်ဆေးအကြွင်းအကျန်တွေ ရှိမရှိကို ချက်ချင်း စစ်ဆေးလို့ရပါတယ်။ မြေပဲစိမ်းမှာ မှိုပါလားဆိုတာကိုလဲ စစ်ဆေးပါမယ်”ဟု FDA က ဒုတိယ ညွန်ကြားရေးမှူး ဒေါက်တာ ထွန်းလင်းအောင်က ပြောသည်။
ထိုကဲ့သို့ စစ်ဆေးမှုများတွင် ဈေးအတွင်းရောင်းချနေသည့် ပဲပြား ပဲသွေး မုန့်တီမုန့်ဖက် ငပိ ကွမ်းသီး ဂျယ်လီ အပါအ၀င် စားသောက်ကုန်များ၌ ဓါတုဆိုးဆေးပါဝင်မှု ရှိမရှိကို စစ်ဆေးမှုများ ပြုလုပ်ခဲ့ခြင်း ဖြစ်သည်။
တပ်ကုန်းမြို့မဈေးအတွင်းသို့ ၅ အကြိမ်အထိ စစ်ဆေးမှုများပြုလုပ်ခဲ့ပြီး ယခု အကြိမ် စစ်ဆေးမှု၌ ကုန်ပစ္စည်းရောင်းချသူများမှလည်း ပါဝင်မှု မြင့်တက်လာခဲ့ကြောင်း FDA က ပြောသည်။
#CentralNewsMyanmar
#NaypyitawNews
No comments:
Post a Comment